Porosi online dhe rezervime automatike për restorant
Në orët e pikut telefoni bie ndërsa kuzhina është plot, dhe DM-të lexohen shumë vonë. Çdo mesazh i humbur është një porosi e humbur. Këtu tregojmë si t'i pranosh porositë dhe rezervimet pa u varur nga dikush që përgjigjet.
Vendos porositë online direkt në faqen tënde që të mos paguash komision, zëvendëso telefonatat e rezervimit me disa klikime, dhe lëri një asistent t'u përgjigjet pyetjeve që përsëriten në Instagram, Viber e WhatsApp. Porosia që nis në bisedë duhet të përfundojë në kuzhinë pa e shtypur njeri dy herë.
Porositë online në faqen tënde
Porositë vijnë kur ekipi është më i zënë, dhe një mesazh i palexuar njëzet minuta shkon te dikush tjetër.
Aplikacionet e dërgesave sjellin klientë, por marrin komision dhe klienti mbetet i tyre: nuk e di kush porositi.
Një sistem porosish në faqen tënde e mban marzhin dhe të dhënat te ti. Ne e ndërtojmë me SelfOrder, sistemin tonë, që porosia të shkojë direkt në kuzhinë. Krahasimi i plotë është te porosi online vs Glovo.
Rezervimet pa telefonata
Një widget ku klienti zgjedh datën, orën dhe numrin e personave e mbyll punën për pak sekonda, dhe ti i sheh të gjitha në një listë. Detajet janë te rezervim tavoline online.
Kujtesat automatike para rezervimit i ulin ndjeshëm mosparaqitjet, dhe kushtojnë asgjë krahasuar me një tavolinë bosh të premten.
Asistenti që përgjigjet gjithmonë
Pyetjet që përsëriten çdo ditë dhe mbyllen vetë:
- Orari, lokacioni dhe a ka parking
- Menyja, çmimet, opsionet vegjetariane dhe alergjenët
- A ka vend për sonte, me rezervim brenda bisedës
- Statusi i porosisë dhe koha e dërgesës
- Porosi për grupe dhe evente, që i kalojnë te menaxheri
Si lidhen të gjitha
Vlera del kur këto nuk janë tri sisteme të ndara. Menyja është një burim i vetëm: kur ndryshon një çmim, ndryshon në faqe, në menynë QR dhe te përgjigjet e asistentit.
Kështu askush nuk shtyp të njëjtën gjë në tri vende, dhe asnjë klient nuk sheh çmim të vjetër.
Punime të zgjedhura
Punë reale, e publikuar, për klientë realë në Kosovë.
Pizza Hutt
Pyetje të shpeshta
A duhet të heq dorë nga aplikacionet e dërgesave?
Jo, ato sjellin klientë të rinj. Qëllimi është që klienti i kthyer të porosisë direkt te ti, ku nuk paguan komision dhe të mbeten të dhënat e tij.
Sa kohë duhet derisa të punojë?
Porositë online dhe rezervimet brenda 2 deri 4 javësh, sipas menysë dhe integrimeve. Një asistent i thjeshtë në faqe del më shpejt.
A i pranon porositë edhe në Instagram e Viber?
Po. I njëjti asistent lidhet me Instagram, Viber, WhatsApp dhe faqen, kështu porosia përfundon gjithmonë në të njëjtin vend.
Kush e përditëson menynë kur ndryshojnë çmimet?
Ti, nga një panel i thjeshtë, dhe ndryshimi shkon njëherësh në faqe, në menynë QR dhe te përgjigjet e asistentit. Nëse preferon, e mbajmë ne me mirëmbajtje.
Të fillojmë projektin tënd
Na shkruaj pak fjalë për idenë ose biznesin tënd dhe të kthejmë përgjigje me një plan e ofertë, pa detyrim.