Menu dixhitale me QR kod në Kosovë
Pluton Studio ndërton menu dixhitale me QR kod për restorante dhe kafe në Kosovë, në markën dhe domenin tënd. Klienti skanon kodin në tavolinë dhe menuja hapet menjëherë, me foto, çmime të sakta dhe në gjuhën e tij. Kur të jesh gati, mbi të njëjtat QR ndez edhe porositë nga tavolina.
- Përditësim në çastNdrysho çmimet një herë, ndryshojnë kudo.
- Në domenin tëndNë markën tënde, pa abonim të detyrueshëm.
- ShumëgjuhësheMenu që turistët e lexojnë në gjuhën e tyre.
Çfarë shton një sistem i vërtetë porosish
Menuja e nxjerr koston e vet kur klienti porosit direkt prej saj. Këtë e mbulon SelfOrder, sistemi ynë i porosive për lokale, i ndërtuar mbi të njëjtën menu që sheh klienti.
Pagesa mbyllet aty ku je mësuar: kamarieri e mbyll faturën te tavolina ose arka te banaku, me kartë në terminalin e lokalit ose me para, dhe printeri fiskal nxjerr faturën.
Nëse do edhe porosi online për marrje me vete, pagesën me kartë e lidhim me virtual POS-in e bankës sate në Kosovë. Kjo ka rëndësi sepse ofruesit ndërkombëtarë të pagesave nuk e pranojnë një biznes të regjistruar në Kosovë si marrës, prandaj sistemet e huaja të porosive nuk e mbyllin dot pagesën këtu, sado bukur të duken.
- Porosi nga tavolina, që zbresin te salla dhe kuzhina në çast
- Fatura mbyllet te tavolina ose te arka, me kartë në terminalin e lokalit ose me para; për porositë online, virtual POS-i i bankës sate
- Faturë fiskale nga printeri fiskal i certifikuar, i çiftuar me arkën
- Ekrane për kuzhinën dhe banakun, që asnjë porosi të mos humbet në letër
- Ndryshim çmimi ose pjate brenda sekondave, në të gjitha tavolinat njëherësh
- Pa komision për porosi: klienti është tashmë te tavolina jote
E jotja, jo një shabllon
Shumë shërbime QR përdorin shabllone dhe vendosin markën e ofruesit mbi menu. Ne e ndërtojmë në markën dhe domenin tënd, si shërbim më vete ose pjesë e faqes për restorant.
| Pluton Studio | Shabllon me abonim | |
|---|---|---|
| Dizajni | I markës sate | Gjenerik, i përbashkët |
| Domeni | I yti | Nëndomen i tyre |
| Reklama | Asnjë | Shpesh po |
| Del në Google | Po | Pjesërisht |
| Gjuhë të shumta | Po | Varion |
Punime të zgjedhura
Punë reale, e publikuar, për klientë realë në Kosovë.
Izi's Apartment 197
Faqe për një kafe-bar ikonik të Prishtinës: kafe në mëngjes, skenë në mbrëmje. Meny dhe program muzike live.Rast studimi Vizito faqen
Pizza Hutt
Faqe për një pizzeri dhe kafe në Prishtinë: fotografi ushqimi të renditura si letra, menyja e plotë dhe një hyrje e ngrohtë editoriale.
Çfarë të premtojmë me shkrim
Pluton Studio i shkruan këto kushte në çdo ofertë, që ta dish saktësisht çfarë merr dhe kur.
Përgjigje brenda një dite pune
Çdo mesazhi i përgjigjet inxhinieri që do ta ndërtojë projektin tënd, jo një shitës. Oferta fikse me shkrim vjen falas, brenda dy ditësh pune pas bisedës së parë.
Çmim fiks me shkrim
Oferta liston çdo gjë që përfshihet, dhe çmimi që nënshkruan është çmimi që paguan. Çdo ndryshim i fushëveprimit ofertohet veçmas, para se të punohet.
Afate që i mbajmë
Website biznesi: 3 deri në 5 javë. Dyqan online: 5 deri në 8 javë. Aplikacion ose software me porosi: versioni i parë funksional brenda 4 deri në 6 javësh, pjesa tjetër sipas një plani me shkrim.
Dizajni miratohet para ndërtimit
E sheh dhe e miraton dizajnin në ekran para se të shkruhet kodi. Përfshihen dy raunde rishikimesh të dizajnit dhe, për 30 ditë pas publikimit, ndryshimet e vogla të tekstit, fotove dhe çmimeve.
Pagesa në dy pjesë
Gjysma në fillim, gjysma në publikim. Te projektet më të mëdha pagesa ndahet në tri faza, të lidhura me dorëzimet, dhe oferta e shkruan cilën rrugë ndjek projekti yt. Nuk kërkojmë kurrë pagesë të plotë paraprakisht.
Domeni, llogaritë dhe përmbajtja në emrin tënd
Domeni dhe llogaritë regjistrohen në emrin tënd që nga dita e parë, dhe përmbajtjen e eksporton kur të duash. Pa abonim të detyrueshëm.
Garanci 30 ditë dhe performancë e matur
Çdo gabim që del brenda 30 ditësh pas publikimit e rregullojmë pa pagesë. Faqja dorëzohet brenda buxhetit të performancës që shkruhet në ofertë, me raport Core Web Vitals në domenin tënd dhe një test që e përsërit vetë.
Pyetje të shpeshta
Çfarë duhet të kontrolloj para se të zgjedh një menu me QR?
Katër gjëra: a hapet menuja në domenin tënd apo në nëndomenin e ofruesit, a del në Google si tekst, a e ndryshon vetë një çmim në çast, dhe çfarë ndodh me menunë kur ofruesi ngre çmimin e abonimit. Pyet edhe a mund të shtosh porosi më vonë mbi të njëjtat QR. Hapat e plotë i ke te si të bësh menu me QR.
Sa kushton një menu dixhitale me QR?
Varet nga numri i pjatave, gjuhët dhe nëse do edhe porosi nga tavolina. E ofertojmë pas një bisede të shkurtër, dhe oferta fikse me shkrim vjen falas brenda dy ditësh.
A mund ta përditësoj vetë menunë?
Po. E menaxhon nga një panel i thjeshtë: shton pjata, ndryshon çmime e foto, dhe ndryshimi shfaqet menjëherë për klientët.
A punon në disa gjuhë?
Po. Menuja mund të jetë shqip, anglisht dhe gjuhë të tjera, që turistët ta lexojnë lehtë.
A mund të nis vetëm me menunë dhe porositë t'i shtoj më vonë?
Po. Fillojmë me menunë vetëm-shikim në domenin tënd, pastaj porositë i ndezim mbi të njëjtat QR që ke printuar, pa i ndërruar kodet te tavolinat. Sistemin e plotë e ke te porosi nga tavolina.
A punon me bankën time?
Po. Te tavolina fatura mbyllet me terminalin POS që ke nga banka jote ose me para, si sot. Nëse do porosi online me pagesë me kartë, e lidhim me virtual POS-in e bankës sate vendore, që është rruga me të cilën një biznes i regjistruar në Kosovë arkëton me kartë, dhe aktivizimin e përgatitim bashkë me ty.
Të fillojmë projektin tënd
Na shkruaj me pak fjalë për biznesin tënd. Adrian Fusha, themeluesi ynë, të përgjigjet brenda një dite pune, dhe oferta fikse vjen brenda dy ditësh pune pas bisedës së parë. Në WhatsApp zakonisht më shpejt.
- hello@pluton.studio
- Telefon
- +383 49 200 124