Kthim i shpejtë
Nisim nga proceset që paguhen me orët e kursyera.
Automatizim i proceseve të biznesit
Fatura, raporte, kopjim të dhënash nga një sistem në tjetrin: punë që ta ha ditën dhe nuk sjell asnjë klient. I automatizojmë me veglat e duhura dhe me AI, që ekipi të merret me punën që sjell para.
01
Çfarë do të thotë automatizim procesesh
Sistemet e tua lidhen mes vete dhe puna e përsëritur bëhet vetë: dokumentet lexohen, tabelat plotësohen, njoftimet dërgohen, raportet përgatiten. Njeriu vendos, makina shtyp.
02
Shembuj që kthehen shpejt
Për një platformë shërbimesh në terren në Zvicër ndërtuam raportet e punës nga iPad-i, orët e ekipit dhe dokumentet gjermanisht që dalin vetë.
Për biznese në Kosovë, këto kthehen më shpejt:
| Procesi | Si duket i automatizuar |
|---|---|
| Faturat hyrëse | Lexohen me AI dhe hidhen vetë në kontabilitet |
| Ofertat dhe faturat | Gjenerohen nga një formular i thjeshtë |
| Raporti javor i shitjeve | Vjen në email çdo të hënë, pa u kërkuar |
| Porositë online | Nga dyqani te lista e dërgesave, pa kopjim |
| Pagesat e vonuara | Kujtesa të sjellshme që dalin vetë në afat |
| Kërkesat e klientëve | Përgjigje e parë automatike, pastaj dorëzim te ekipi |
03
Veglat: n8n, Make, Zapier ose kod i yni
Kur mjafton një vegël vizuale si n8n, Make ose Zapier, ndërtojmë aty: më lirë dhe më shpejt. Kur duhet siguri, shpejtësi ose logjikë që veglat s'e mbajnë, e shkruajmë me kod, si pjesë e software-it tënd.
Të themi hapur cila të duhet, pa abonim të panevojshëm. Këto automatizime i mbajmë çdo ditë edhe në sistemet tona.
04
Si fillojmë
Nisim me një bisedë për proceset e tua: ku shkon koha, çfarë përsëritet, çfarë harrohet. Zgjedhim 2 deri 3 që paguhen më shpejt, i ndërtojmë dhe e matim bashkë kohën e kursyer.
Pse Pluton Studio
Vegla ose kod
n8n, Make, Zapier ose kod, sipas rastit tënd.
E matshme
E sheh sa orë kursen çdo javë.
Çfarë të premtojmë me shkrim
Këto nuk janë fjalë marketingu. Janë kushtet që hyjnë në çdo ofertë tonën, që ti të dish saktësisht se çfarë merr dhe kur.
Përgjigje brenda një dite pune
Çdo mesazh merr përgjigje nga inxhinieri që do ta ndërtojë projektin, jo nga një shitës. Oferta fikse me shkrim vjen brenda dy ditësh pune pas bisedës së parë.
Çmim fiks, i shkruar, përfundimtar
Oferta liston çdo gjë që përfshihet dhe çmimi që nënshkruan është çmimi që paguan. Ndryshimet e fushëveprimit ofertohen veçmas, para se të ndodhin.
Afate që i mbajmë
Website biznesi: 3 deri në 5 javë. Dyqan online: 5 deri në 8 javë. Aplikacion ose software: versioni i parë funksional brenda 4 deri në 6 javësh, pjesa tjetër sipas planit të shkruar.
Dizajni miratohet para ndërtimit
Sheh dhe miraton dizajnin në ekran para se të shkruhet kodi. Dy raunde rishikimesh të dizajnit janë të përfshira, si dhe ndryshime të vogla të përmbajtjes, tekst, foto dhe çmime, për 30 ditë pas publikimit.
Pagesa në dy pjesë
Gjysma në fillim, gjysma në publikim. Projektet mbi tre mijë euro ndahen në tre faza sipas dorëzimeve, kurrë pagesë e plotë paraprakisht.
Gjithçka është e jotja që nga dita e parë
Domeni, llogaritë dhe përmbajtja regjistrohen në emrin tënd, dhe kodi jeton në repository-n tënd që nga commit-i i parë, me licencë të plotë përdorimi. Çdo e drejtë tjetër kalon te ti me pagesën e fundit. Nuk ka abonim të detyrueshëm, nuk ka kod të mbyllur, nuk ka situatë pengu.
Garanci 30 ditë dhe performancë e matur
Çdo gabim që del brenda 30 ditësh pas publikimit rregullohet pa kosto. Faqja dorëzohet brenda buxhetit të performancës që shkruhet në ofertë, me një raport Core Web Vitals në domenin tënd dhe një test që e përsërit vetë.
Pyetje të shpeshta
Cilat procese mund të automatizohen në biznesin tim?
Çdo punë që përsëritet me rregulla të qarta: fatura, raporte, email-e, hedhje të dhënash, njoftime. Nëse e bën çdo javë njësoj, ka shumë gjasa të automatizohet. Ide me AI: automatizim me AI për biznese.
A duhet të ndërroj software-in që kam?
Jo. Automatizimi lidhet me veglat që ke sot (email, Excel, dyqani online, kontabiliteti) përmes lidhjeve automatike ose eksporteve.
Sa kushton dhe sa shpejt kthehet?
Varet nga sa sisteme lidhen dhe sa e ndërlikuar është logjika. Automatizimet e vogla paguhen shpejt me orët e kursyera, dhe këtë e llogarisim bashkë para se të ndërtojmë gjë.
Çfarë janë n8n, Make dhe Zapier?
Vegla që lidhin aplikacione mes vete me blloqe vizuale, pa kod të gjatë. Ne i konfigurojmë, i mbajmë në punë dhe i zgjerojmë me kod.
A janë të sigurta të dhënat e mia?
Po. Qasjet janë minimale, çelësat ruhen siç duhet, dhe çdo automatizim dokumentohet. Të dhënat mbeten në llogaritë e tua, jo tek ne.
Të fillojmë projektin tënd
Na shkruaj pak fjalë për idenë ose biznesin tënd dhe të kthejmë përgjigje me një plan e ofertë, pa detyrim.
Emailhello@pluton.studio
Telefon+383 48 836 636