Website me rezervime direkte për hotele në bregdetin shqiptar

Nga janari deri në gusht 2026 Shqipëria regjistroi 9,4 milionë hyrje të shtetasve të huaj, 5,3% më shumë se një vit më parë (Top Channel). Kërkesa është aty; pyetja është sa prej saj rezervon direkt te ti.

Mysafiri i verës e zgjedh vendin në pranverë, nga telefoni: krahason çmimin për natë, largësinë nga deti, kushtet e anulimit dhe nëse dikush përgjigjet brenda ditës. Një website që del në korrik e ka humbur atë vendim. Prandaj faqen e nisim në dimër, që të jetë gati kur fillojnë kërkimet.

Platformat e rezervimeve marrin zakonisht rreth 15% të çdo qëndrimi në Evropë, plus tarifa pagese. Në një sezon të shkurtër, ku çdo natë e korrikut dhe e gushtit numëron, ajo përqindje ha një pjesë të madhe të fitimit.

Nuk të themi t'i fikësh platformat, sepse të sjellin mysafirë të rinj. Qëllimi është që mysafiri që të gjen vetë, ai që kthehet çdo vit dhe ai që të kërkon në Google, të rezervojë direkt te ti. Si ndahet puna mes kanaleve e ke te si ta ulësh komisionin e Booking.

Për një hotel, një vilë në Ksamil apo disa apartamente në Vlorë, faqja ndërtohet rreth rezervimit:

• Dhomat, vilat ose apartamentet me foto reale, çmime sipas sezonit dhe largësinë nga plazhi
• Rezervim direkt i lidhur me kalendarin ku i shet dhomat, që një dhomë të mos shitet dy herë
• Depozitë online me kartë përmes gateway-it të e-commerce të bankës sate, dhe pjesa tjetër në recepsion
• Shqip, anglisht dhe italisht, secila me faqet e veta; gjuhë të tjera sipas mysafirëve që pret
• Butonat WhatsApp dhe Telefono në çdo faqe, për mysafirin që do të pyesë para se të paguajë
• Lidhjet falas të Google Hotels, që mysafiri të rezervojë te ti direkt nga Google (si funksionon)

Sipas paketës fiskale 2026, bizneset e akomodimit duhet të pranojnë kartë që nga fundi i majit 2026, dhe çdo faturë fiskalizohet në kohë reale. Kjo e bën depozitën online zgjidhjen e natyrshme: mysafiri paguan pjesën e parë kur rezervon, mosparaqitjet bien, dhe pjesa tjetër mbyllet në recepsion me terminal.

Faqen e ndërtojmë me politikat, kushtet dhe faqen e pagesës që banka i kontrollon para se ta aktivizojë, dhe e lidhim me një ofrues të certifikuar fiskalizimi. Afatet dhe tri rrugët i ke te terminali POS në Shqipëri; detyrimet tatimore për rastin tënd i konfirmon me kontabilistin.

Hotelet e Tiranës punojnë gjithë vitin, me udhëtarë pune dhe vizitorë të fundjavës, jo vetëm me sezonin. Për ta faqja duhet të tregojë menjëherë dhomat e lira dhe të lejojë rezervim nga telefoni në pak hapa; sistemi është i njëjti. Për faqe biznesi në kryeqytet shih website në Tiranë, dhe për Durrësin, me bregdetin dhe portin, website në Durrës.

ZOE Hotel në Prishtinë merr rezervime direkte me një proces rezervimi në disa gjuhë (rasti i plotë). BioLand, vila druri buzë liqenit në Novobërdë, merr rezervim direkt nga faqja e çdo vile, në dy gjuhë. Për Sapphire Hotel katalogu i dhomave rritet për qëndrime dhe evente.

Punime

Mikpritje / Prishtinë · 2026

ZOE Hotel

Faqe për një hotel luksoz në Prishtinë: dhoma, lehtësira dhe një proces rezervimi shumëgjuhësh.

Vizito faqen

Vila dhe restorant / Novobërdë · 2026

BioLand

Faqe dygjuhëshe për vila druri buzë liqenit dhe një restorant në Novobërdë: logo që vizatohet vetë ndërsa hapet faqja, kalime faqesh si letër e grisur dhe rezervim direkt nga çdo vilë.

Vizito faqen

Mikpritje / Kosovë · 2026

Sapphire Hotel

Faqe marke dhe rezervimi për Sapphire Hotel, me një katalog dhomash që rritet për qëndrime e evente.

Vizito faqen

Një website me dhoma, çmime dhe formular rezervimi nis nga 700 €, rreth 64.000 lekë, dhe del brenda 3 deri në 5 javësh. Një sistem i plotë rezervimi, me kalendar në kohë reale, panel për pronarin dhe njoftime, nis nga 3.000 €, rreth 274.000 lekë. Oferta dhe fatura janë në euro; zërat e kostos në Shqipëri i ke te sa kushton një website në Shqipëri.