Përgjigje brenda një dite pune
Çdo mesazh merr përgjigje nga inxhinieri që do ta ndërtojë projektin, jo nga një shitës. Oferta fikse me shkrim vjen brenda dy ditësh pune pas bisedës së parë.
Krijim website në Shkup
Shkupi mban tregti, shumicë, ndërtim, gastronomi dhe logjistikë, me lidhje të përditshme me Kosovën. Ne ndërtojmë faqe dhe dyqane online për biznese që shesin në dy gjuhë dhe shpesh përtej kufirit.
01
Çfarë ndërtojmë më shpesh për bizneset në Shkup
Punojmë online me biznese në gjithë hapësirën shqipfolëse. Nga Shkupi kërkohen sidomos:
- Dyqane dhe shumicë: dyqan online me katalog, çmime dhe dërgesa
- Restorante dhe kafe: meny online dhe rezervime për një treg me konkurrencë të lartë
- Kompani me procese: aplikacione web dhe automatizim procesesh për porositë e raportet
- Shërbime dhe zyra: faqe prezantuese dygjuhëshe me chatbot për pyetjet e përsëritura
02
Çka u duhet bizneseve në Shkup
Klienti këtu kërkon në disa gjuhë dhe pret që faqja t'i flasë në atë me të cilën ka nisur. Një faqe vetëm në një gjuhë e ngushton tregun pa nevojë, sidomos në tregti dhe gastronomi.
Pjesa tjetër është besueshmëria: adresë e saktë, orar, foto reale, çmime orientuese dhe një kontakt që përgjigjet. Këto katër gjëra e mbyllin shitjen më shpesh se çdo animacion.
03
Si punojmë me biznese në Maqedoninë e Veriut
Pluton është studio në Prishtinë dhe punon online me biznese në gjithë hapësirën shqipfolëse. Nuk kemi zyrë në Shkup. Projekti ecën me video-thirrje: ofertë fikse me shkrim, dizajn i miratuar para ndërtimit, publikim me gjithçka gati. Faturat i lëshojmë në euro.
Pagesat i përshtatim me vendin: për Maqedoninë e Veriut dyqanin e lidhim me portën e pagesave të bankës sate, sipas kushteve që ajo i vendos. Nëse shet edhe në Kosovë, faqen e ndërtojmë që t'i mbajë të dyja tregjet pa e dyfishuar punën.
Pas publikimit vjen SEO lokale e zbatuar për qytetin tënd, profili në Google Business Profile me kategori, orar, foto e shërbime, dhe një rrugë e thjeshtë për më shumë vlerësime.
04
Pse një faqe e ndërtuar ia kalon një shablloni
Shablloni nuk e mban dygjuhësinë si duhet: përkthimi shtohet vonë, adresat e faqeve prishen dhe Google nuk kupton cila version i takon cilës gjuhë. Rezultati është një faqe që nuk del as në njërën.
Ne e ndërtojmë strukturën me dy gjuhë që nga fillimi, me adresa të pastra dhe me tekst të shkruar veç për secilën. Faqja hapet shpejt, gjendet në kërkim dhe mbetet e jotja, me kod e domain në emrin tënd.
Çfarë të premtojmë me shkrim
Këto nuk janë fjalë marketingu. Janë kushtet që hyjnë në çdo ofertë tonën, që ti të dish saktësisht se çfarë merr dhe kur.
Çmim fiks, i shkruar, përfundimtar
Oferta liston çdo gjë që përfshihet dhe çmimi që nënshkruan është çmimi që paguan. Ndryshimet e fushëveprimit ofertohen veçmas, para se të ndodhin.
Afate që i mbajmë
Website biznesi: 3 deri në 5 javë. Dyqan online: 5 deri në 8 javë. Aplikacion ose software: versioni i parë funksional brenda 4 deri në 6 javësh, pjesa tjetër sipas planit të shkruar.
Dizajni miratohet para ndërtimit
Sheh dhe miraton dizajnin në ekran para se të shkruhet kodi. Dy raunde rishikimesh të dizajnit janë të përfshira, si dhe ndryshime të vogla të përmbajtjes, tekst, foto dhe çmime, për 30 ditë pas publikimit.
Pagesa në dy pjesë
Gjysma në fillim, gjysma në publikim. Projektet mbi tre mijë euro ndahen në tre faza sipas dorëzimeve, kurrë pagesë e plotë paraprakisht.
Gjithçka është e jotja që nga dita e parë
Domeni, llogaritë dhe përmbajtja regjistrohen në emrin tënd, dhe kodi jeton në repository-n tënd që nga commit-i i parë, me licencë të plotë përdorimi. Çdo e drejtë tjetër kalon te ti me pagesën e fundit. Nuk ka abonim të detyrueshëm, nuk ka kod të mbyllur, nuk ka situatë pengu.
Garanci 30 ditë dhe performancë e matur
Çdo gabim që del brenda 30 ditësh pas publikimit rregullohet pa kosto. Faqja dorëzohet brenda buxhetit të performancës që shkruhet në ofertë, me një raport Core Web Vitals në domenin tënd dhe një test që e përsërit vetë.
Pyetje të shpeshta
A punoni me biznese në Shkup?
Po. Jemi studio në Prishtinë dhe punojmë online me biznese në Maqedoninë e Veriut. Faturat i lëshojmë në euro.
Sa kushton një website për një biznes në Shkup?
Faqet e biznesit nisin nga €600, ndërsa dyqanet online me pagesa dhe stok kushtojnë më shumë. Ofertën e merr të fiksuar me shkrim.
A duhet të takohemi në Shkup?
Jo. Projektet mbarojnë tërësisht online, me video-thirrje dhe miratim të dizajnit në ekran. Nuk kemi zyrë atje dhe nuk e paraqesim ndryshe.
A bëni SEO lokale për Shkupin?
Po, edhe dygjuhëshe. Parimet janë të njëjta me ato te udhëzuesi për SEO lokale, të zbatuara për qytetin tënd.
A ndihmoni me Google Business Profile dhe vlerësimet?
Po. E plotësojmë profilin me kategori, orar, foto e shërbime, e lidhim me faqen dhe të japim një rrugë të thjeshtë për më shumë vlerësime.
Të fillojmë projektin tënd
Na shkruaj pak fjalë për idenë ose biznesin tënd dhe të kthejmë përgjigje me një plan e ofertë, pa detyrim.
Emailhello@pluton.studio
Telefon+383 48 836 636